مقلط الفريج - الخبر

بصراحه المطعم جدااا جميل واطلالته على البحر جميله ورايقه ، والأطباق اللي طلبناها لذيذه مره ولاغلطة طلبنا كبده وشكشوكه وفول قلابه ، والموظفين تعاملهم جميل .. لكن المطعم زحمه مره ماشاءالله جلسنا انتظار حوالي ساعه انصحكم تزيدون الجلسات اللي برا لأنه وقت الأجواء الحلوه الكل يبغى يستمتع بأكلكم اللذيذ والجو الحلو ☺️☺️ شكرا مقلط الفريج

الاجواء جميله بمقلط الفريج اللي عالكورنيش فيه جلسات داخل المطعم وخارجيه ،، هالوقت مناسب للجلسات الخارجيه طلبنا كبده بالحمص لذيذه 👍🏻وعدس متوسط وشكشوكه لا بأس ،،الكرك لذيذ وموزون .. بس ما عندهم اي نوع من القهاوي بس شاي وكرك ،، يعطونك الخبز حار من الفرن لذيذ جدا وهش ،، الخدمه بطئيه جدا وانتظرنا يمكن ساعه الا ربع عشان يوصل طلبنا بس روعه المكان يشفع لهم التأخير ☺️ لانه الطاولات مقابل البحر قدموا لنا ضيافه قهوه وتمر 🌷 لي عوده له بإذن الله

مطعم متواضع طلبنا فلافل و فول بالحمص و كبدة كانت الكبدة مرة لذيذة و في تنوع ممتاز في قائمة الطعام الاجواء خرافية مع أطلالة على البحر

المطعم مكانه جميل على كورنيش الخبر عندهم جلسات داخليه وخارجيه لكن يعيبه انه صغير مره وعدد الجلسات محدود داخلي وخارجي مع ان ماشاءالله الزباين زحمه عليه خاصه وقت الفطور ياليت يكبرون المطعم أو يزيدون الجلسات الخارجيه أو ممكن انهم يوصلون الطلب للجلسات بالكورنيش مثل الناس اللي يجيبون سجاد ويجلسون بالمسطحات الخضراء يمين ويسار المطعم كذا يخفف الزحمه لان كثير من اللي جالسين برا وقت الفطور تركو فرشتهم واخذو جلسات حقت المطعم ياليت يعني يعالجون مشكله الزحمه لان بصراحه الاكل لذيذ لكن يعيبه وقت الانتظار طويل ،،، الاكل بصراحه لذيذ طلبنا كرك وفول وشكشوكه ومعصوب وكبده وبلاليط وعدس

المطعم موقعه جميل على البحر، طبعاً طلبت فول أحمر بـ 22﷼ كان مرة جميل وطلبت كبدة غنم بـ 34﷼ جداً عادية وطلبت بيض سلطاني بـ 28﷼ حلو بس مكثرين جبن الموزاريلا وناقص شوي ملح و كوب شاي عادي بـ 7﷼ و كوب شاي حليب بـ 10﷼.

مكان اكثر من راااااائع واكل لذيذ جداً واجواااء رمضانيه تفتح النفس وتريح الخاطر ... ومقدم الخدمة أحمد اليمني انسان جداً خلوق وراقي وخدوم ويسعى بإخلاص من دخلنا المكان الساعه ٦ الين الساعه ١٠ وهو يركض من طاوله الى طاوله يحاول ارضاء وخدمة الجميع

تناولنا الفطور وكان ريوق الفريج مع إضافة الكبده.. تجربه مميزة الموظفين متعاونين وخاصه الموظفه الهنوف تعاملها جدا رائع ومتعاونه ..شكرا لإعطائنا تجربه رائعه بتعاملكم الجيد 👍

مطعم رائع جربت الفطور.. روعه وحتى أمس ب الليل جربت فته باذنجان ياااااو ي لذاذتها تهبلللل الصراحه .. مطعم فنان + على البحر .. كذا راح أكتب خواطر وشعر على لذه الاكل وجمال البحر.. مكان مميز للمؤلفين والكتاب.. المكان ملهم.. ولقيت خدمه مميزه من عمال المطعم احمد ربيع تعامل جدا راقي.. شكرا لكم… فعلاً صنعتوا يومي.. بارك الله لكم ولي في يومي الجميل هذا.

مطعم لمحبين الأكلات الشعبية، موقعهم الكورنيش قبل دوار التوحيد جربنا الفطور عندهم ( شكشوكة، فول، صحن فلافل) الأكل لذيذ.. الزحمة عندهم في مختلف الأوقات والأيام ماشاءالله ومع ذلك الخدمة سريعة توجد لديهم جلسات داخلية وخارجية مطلة على البحر عيبهم فقط الجلسات محدودة والإنتظار يطول، اضطرينا نجلس في قسم الأفراد

مطعم شعبي. تناولت فيه. وجبة الإفطار. الخدمة ممتازه. لكن بطيئة. اعتقد بسبب الازدحام. و الانتظار. عندهم جلسات خارجية. و داخليه و الموقع ممتاز و الاستقبال رائع

مطعم يقع على كورنيش الخبر ، الموقع جميل و ممتاز ، المطعم صغير المساحة ، يقدم وجبات عربية وسعودية خفيفة ، لديهم أفطار بطريقة ست منيو ( مجموعة مختارة مسبقاً ) ، بالنسبة للاسعار متوسطة ، تتوفر مواقف حوالي المطعم

الاكل كان مره زيينن البيض السلطاني كان لذيذ ما توقعناه يكون كذا فطور المزرعه راهي، ربيع كان خدوم جداً و لطيف بالتعامل ان شاء الله ماهي اخر مره

االاطلالة حلوة والطعام المقدم. شغل متقن جميع الاصناف الي جربتها. طعم لذيذ وسعر مناسب، طلبي كان كبدة ، سلطاني، شكشوكه ، فلافل، بريق كرك التقديم الاخ اسلام، ماقصر في حسن الاستقبال والمساعدة للاطفال شكرا جزيل للاخ إسلام ولإدارة مقلط الفريج.

طعم جميل مطل على الشاطي الخبر اجواء جميله سرعه بتقديم الطلب انصح بزيارته كما يتوفر

اكل لذيذ مع أطلاله اجمل ولاكن وجود ملاحظة بسيطه من بعض الزبائن الكرام .. يتم طلب اكل كثير مما للاسف يبقى ياليت طلب حسب أكلك او اخذ الباقي سفري واعطائه من يستحقه لو عامل في الشارع افضل ما يرمى وتكسب ذنبه .. لتنبيه